منتديات كركوك
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

قصيدة(الى طابه جامعيه) مهداة الى الاخ اسير الشعر..ماجد العتابي

اذهب الى الأسفل

قصيدة(الى طابه جامعيه) مهداة الى الاخ اسير الشعر..ماجد العتابي Empty قصيدة(الى طابه جامعيه) مهداة الى الاخ اسير الشعر..ماجد العتابي

مُساهمة من طرف الشاعر ماجد العتابي السبت 24 مايو - 1:18:05

(الى طالبه جامعيه )


سبحان رب الخلكَ حسنك الك جامعه
ومن تجي كل القسم كَالو ورد جا. معه
المفروض ماتنقبل من يقبلك جامعه
وشلون يقبل قسم جامعه بالسكشن
كافي جمود الهجر يا ترف بسك شن
مخرج صرت للعمر بس احجي بس اكشن
تلكَله العمر ممتثل وكَليبي بيه جامعه
ما كَولن احبك لان ما تنكَال...
وذا كَتلك احبك يعني حجمتك
لان انته الشرائع لا بل الاكوان..
وسبحانه الجمعهن في عسل شفتك
اذن لا متناهي وموقعك مجهول..
وبس رب الجلاله يعرف مقدرتك
جامعتك غلط ماتقبلك مفروض..
لان بروف انته بحسن جامعتك
رصيف الجامعه يظل يمشي لو مريت..
وتخيل الشارع يمشي وي ذبتك
علة فوريه تعالج صور للناس..
وانته الفوريه تعالجها برمجتك
الهيئه البلحرم تاخذ درس مخصوص..
ورجع حتى العميد لسنة مرحلتك
من شفتك دخت رقة جمالك عيد..
وشفتك من حلاتك تاكل بشفتك

منزلتك (التوب)وجامع لكل زين..
وصفاتك معظله وداخت بمنزلتك
شذوذ القاعده لحسنك صبح معيار..
وصيغة حسنك الاسست قاعدتك
الناس اتكَول لوله لكل جميل اتصير..
وانته اللوله بيك اجمل عنب سلتك
مشكلتك جميل وما الك مقياس..
واكاد اجزم جمالك سبب مشكلتك
يعني اشلون كَلي شلون اوصفك بيش..
اذا حتى الوصف يخجل اذا زرتك
زليخه اتاسفت يوسف وكَف محتار..
جمالك ضاف حسن لحسن وي عفتك
المدرج صار عامل والكراسي انقاذ..
وانذار القسم يتحظر لطلتك
وامس جن بالحلم زرتك وطلتك
وجمالك نوره لعمري وطلتك
اغمض تك اذا شفتك واطل تك
اخاف اثنينهن يعمن سويه
وامس جان المحاضر بالدرس مصدوم..
يعيد بنفس درسه بخوف وبرقه
ما يكَلب الورقه وانته تعرف ليش..
خاف اتحط اصبعك تكَلب الورقه
حاير مبتلي اتبلل اصبعك بيش..
بشفافك؟؟ يصعد سكرك فرقه
فرقه اتصيح اوكَف فرقه قدم يوم..
ومن كثرة جمالك سببت فرقه
غلط ما اعتقد من تربه انته تكون..
يمكن من زلال الماي او ارقه
شمخلط عسل؟ لو تين؟ لو زيتون..
والخالق الك بالجنه حط خلق
يا شاعر يوصفك وانته بحر اوصاف..
شعرك ليل حالك نضرتك برقه
من تسدل اجفونك ينزل النه الليل..
واطراقت الموت برمشتك طرقه
ما شايف كَبل حلكَ ازغر من العين..
اكلك بيش كَلي بنيدل اتزرقه
الله يساعد امك رضعتك سنتين..
وشفافك عليها اتكونت حلقه
مأثوم بخطيتك مات ابن زيدون..
ما وصفك شعره ابغزل أو ابقه
ما لحكَ عليك وعذره ما مقبول..
خطيته ابحبقه عاش وانته في حبقه
اذن مفروض جامعتك تقدم اعذار..
لان منهج جمالك تندرس طرقه


وطرقه..اخذ باب الكَلب يمك وطرقه
وشرايينه الالك توصل وطرقه
جمالك منهجك بايدك وطرقه
تدرسهه فقط بس كون اليه


ماجد العتابي
الشاعر ماجد العتابي
الشاعر ماجد العتابي

ذكر عدد الرسائل : 2
العمر : 51
البلد : العراق
تاريخ التسجيل : 24/05/2008

http://www.alrefiey.net

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى