قصيده للشاعر حمزه الحلفي

ا لقاها على المسرح الوطني وكان عدد من الساسه موجودين وعند قرائتها خرج نصف الساسه الذين كانو حاضرين وعندما طلب الجمهور اعادة القصيده خرج النصف الباقي من الساسه والقصيده تقول::::

شمتانين

[center]كصت بينه السيوف.. وذبح ترس العين
شمتانين
فضوهه المنايا تحوك بالساعات
واحلوك الشوارع تاكل الميتين
شمتانين
شوارعنه حمر صابغهه لون الدم
وسره اعلى الموت شوف اشلون مصطفين
شمتانين
بغداد العروس اتحولت تابوت
ورجالات الحكومة جنهم معرسين
موفاض الصبر وانتو ولا عل البال
وعلى حب الكراسي صرتو نجارين

شمتانين
اغيوم الحرب تمطر جمر عل الناس
وانتم روس تمشي بناس متغطين
شمتانين
حوارات الموائد والسمج مسكوف
وبصحون المصايب احنه متعذبين
تموت اطفال عدنه برهبة البارود
وانتو اطفالكم بالغرب محروسين
بعد بسكم حملنه من الصبر اطنان
وتسجيل الصبر ماينكتب مرتين
لاحت والحلوك اطشرت بالريح
وضاعت من دربهم باثر زين وشين
تكولون اتفقنه وهي حسبة يوم
جاوينه التوافق كلكم متنكين
ياعمي الجرح مايمض بالمنشا
بس ياذي الخشب من ينشطر نصين
صلوها اعلى قبله الشعب فاضت بيه
بعد هي تلوج بينه الواحد وتسعين
طز بكل سياسه التعبد الدولار
العراق يموت اكعد هز ضميرك زين

الله على الابداع يا اخي العزيز كلامك هوئ واقع حال هوئ كلام رجل وطني بارك الله بيك يا اخي العزيز وهل مشاركة تستحق 100 رد عليها والله والف عاشت ايدك وانشاء الله كل مشاركاتك القادمه ابهل وزن وبهل روعه وبهل قمه يا اخي

---------------------------------------
طز بكل سياسه التعبد الدولار
العراق يموت اكعد هز ضميرك زين

عاااااااااشت ايدك اخويه العزيز بالفعل هذا الشاعر وطني حقيقي وكلماته معبرة وجميله اتعبر عن الواقع الي هسه احنا عايشينه اني اتمنى كل الشعراء ايكتبون قصائد وطنيه حقيقيه معبرة عن الواقع بارك الله بيك اخويه اسير الشعر تقبل مروري وردي لك اتمنالك كل التوفيق والابداع نحو طريقا واحد من اجل عراق موحد[img][IMG]http://www.iraqup.com/2008-03-uploads/iraqup.com_20080405_NX63c-Eyb0_350515958.jpg[/IMG[/img]

قصيده للشاعر حمزه الحلفي

قصيده للشاعر حمزه الحلفي

مشاركة قمة بالروعة...

رد: قصيده للشاعر حمزه الحلفي