قصيدة امي يا أغلى الناس

السلام عليكم ورحمة الله
قصيدتي بعنوان (أمي يا اغلى الناس)
اهديها الى اغلى الناس الى امي الي ربتني وتعبت عليه ..اهيدها الى كل ام في الدنيا لان فضل الام ما ينسي مهما صار ودار الزمان..
وإلى والدي العزيز الي افتخر بيه دوم ..
ربي يحفظهم وينطيهم طولة العمر لأن هم شمعة حياتي قبل ما يكونون شمعة الدار ..
الي ميسمعها بالصوت عمره خسارة......
======================
(أمي يا اغلى الناس)
امييييييي ...يا امي ..يا امي يا نبع طيبة وحنان
بشنهو اريد اجازيج يا وردة حياتي يلسوتلي من الصحرا بستان
وحق رب الكون..وحق رب الكون..منين ما اروح اشوف رسمج على وجوه الناس وعلى الحيطان
يمه..يمه والله بغيابج ضعت ..صرت حاضر ومستقبل مجهول وبلا عنوان
صدگـيني يا يمه والله مو بس كلام انتي الي ترسم البسمة بحياتي انتي يا ارقى فنان
انتي يلي بغيابج حياتي عدم وما ظل لحياتي طعم..لا والله ما ظل بيها طعم.جنج انتي الي تنطين لحياتي الالوان؟
واليكول عنج ملاك ما جذب لا والله.لا والله ما جذب .حرام اكول عليج انتي مثلي انسان
حتى رب الكون يعرفج...حتى رب الكووووووون يعرفج..وكال عنج..تحت رجلج يوم القيامة تصير الجنان
لا تبجين يا يمه..لااا تبجين يا يمه .تراني يمج وما بعدت عنج لحظة لا والله..لا والله لو مو يودوني لغير بلد لو يودوني لغير ازمان
مراااااات اصفن واهيم بدنياي..واتذكر كلام اليكول .تجيك الي تعوضك عن الام..ما اكله غير ياخوي والله انت وهمان
امي الي تعبت علي وسهرت الليالي وتحملت جور الايام ما انساها لا والله واذا حسبالك انساها انت حلمان
والي يزعل امه ..ما اگـله شلون يغمضلك جفن..بس اگـله راح تگـضي حياتك ظيم وتگـظيها تعبان
شما اسوي ما اوافيج لا بگـول ولا فعل وحظل طول عمري على لحظة زعل منج ندمان
وخل يعذرني ابوية ولا يزعل مني تراني ما ناسيه وتره اسمه تاج على راسي من يصيحولي يا فلان يبن فلان
بس انت تدري يا يابه شنو الام..وادري بيك عانيت قبلي من خسرت الام وعرفت شنو معنى الحرمان
صدك الناس تسألني تكلي شبيك ضايج ومقهور اشو انت بالسويد ويمك احلى طبيعة واحلى نسوان
شگـللهم مو كلبي ورم ..ترة غربتي مو بس غربة وطن .والله.ترة غربتي مو بس غربة وطن والله.غربتي عن ادفه الاحضان
ما اگـول العراق مو غالي ..لااااا والله ما اكول العراق مو غالي..تراه الوطن يبقى دومه غالي بس حضن امي اغلى من كل الاوطان....



======================================
وتم تسجيلها بالصوت
في استوديو ماي هوم (My Home)

وانشاء الله في اقرب وقت سوف ازودكم بالتسجيل الصوتي


مع تحيات اخوكم
العاشق الحزين
[img][/img][list][*]