اسئالك يا وطن....عتاب مع الوطن

اريد اعتب عليك وانة معذور
واجب ياوطن وياك الاعتاب

حبيبي انت وصديقي ورايدك دوم
مسموح العتب لو بين الاحباب

اريد اسئال عليمن هذا اليصير
ليش بلا ذنب وضحلي الاسباب

معادي انت كبل مطلوبلك ثار
شو صاير ضحية بين الااحزاب

واسف يا وطن لو هيج احاجيك
عليك اهواي خايف كافي دنهض

تضل ليمتى تنطي بهاي الارواح
قضية الموت كلي شوكت تنفض

جرحك من كبر ماجوي داؤك
داسو عالجرح والجرح يعرض

عليل انت صرت بس ماكو دكتور
ومستشفى جنت للكبل يمرض

وردتك يا وطن تصحى على دنياك
نايم لا تضل واصحابك تبوك

بسوكك مابعت بس تنطي خيرات
ولمن شبعو انت انبعت بالسوك

كبل ليطيح انت الي تلاكاه
ورغم كل هذا تلكاهم ينكرون

بفراحك تفك عيو نها الناس
وبحزانك تضل معمية العيون

من دارت عليك وصار ماصار
كلها تحولت من عون فرعون

لا تعتب بعد ميفيد كل لوم
بس احذر بوجهك لا يعتبون

سد بابك فتحتة ليا وجه جار
لعبو بي يطبون ويطلعون

لا تئامل بعد وتكول خوان
ترة بالبير خوانك يحضرون

[img][/img]