أحذرو ألكــــوسترات..

مرحبا شلونكم حبايبي
حبيت احجيلكم موقف تحشيشي صار بية يعني الدنيا حششت علية

كان يا مكان في قديم الزمان (جذب قبل 4 سنوات) مرة دا اروح البيت صديقي فة

فة كنت محدق مو مال تكسي فة كلت اروح كوسترات المهم ركبت من بيتنة

الكوستر الي اتفوت على شارع فلسطين فة اني صعدت و الكوستر فارغة بيها مرة و

ابنها بحضنها و اني صعدت و كعدت بالكشن الاخير الي وراها مشينة اشوية جان

السايق يوكف ديصعد عالم همة و ديصعدون العالم اشو هاي المرة كامت و كعدت يمي و خلت ابنها الصغير بيني و بينها


مشت الكوستر و صعدوا ناس و هناك جان اتصيح المرة ((((نااااااااااااااااااازل)))


هي و دتنزل و خروا العالم فة وصلت الباب الكوستر بعدها منازلة جان اشوف ابنها بعدة



يمي ما اخذتة ((هااا لك هاي نست ابنها)) و اني كلشاب الطموح الذي يبحث عن فعل


الخير صحت خالللللللللللللللللة نسيتي ابنج


اشو هاي اندارت و باوعت علية و كامت اتصيح ابني شنووووو هذا مو ابني و اني اكلها

خالة لعد ابن منو اشجابة اهنا كالت هاي انتوا متستحون اتريديون اتخلصون منهم


اتلزكوهم براس العالم و انهدت بية من هاي الهدة الي تعجب و الناس اتباوع علية

بنضرة مدري اشلونها و وكفوا وياها ((طبعا لوكية بعد مرة اشلون ميوكفون وياها)) و


اني اكولة للسايق يابا انت مو شفتها من صاعدة قبلي و جان هذا الولد وياها ايكلي لا
والله مشفت



بلة هذا اشتحجي وياه و هي اتريد تفلت و اني كلت وين اودي هذا المهم فقدت كتلة


الابو الكوستر لتحرك نزلت عليها كتلها صعدي انروح المركز الشرطة و مصايح و معارك و

كالت يلة امشي و رحنة المركز الشرطة نزلنة و معارك كولو طبينة جوة للضابط يابا هيج

وهيج الفلم سال السايق كلة ما شفت شي ما اعرف ويامن هذا الجاهل المهم كلة روحوا انتوا
و بقينة اني وهاي المرة بالمركز مال شرطة


اني احلف و اكو يابا ابنها جان وياها هذا

و هي اتكوللللللللللللل لا هو ايريد يخلص منة ايلزكة بيهة

طببوني جوة و شبعووووووووووووووووووني كتل لك بابا احجي الصدك و اني اكلهم والله هذا الصدك و الله مو ابني


و دك كتل يبووووووووووووووو اكلت طن كتل

و الدنيا صارت مغرب هل حجي كول رجعونا الغرفة اني وياها و الضابط فة كال الضابط انو ماكو غير حل واحد


اعوف الطفل يمشي و اشوفة عليمن حيرووووح و اني كيفت كلتة يلة اي خوش حل

هذا الحجي الطفل عمرة سنتين هيج هل حوالي بس اثووووووووول كلش
اشو عاف الطفل ديمشي وكف ببيني و بينها

اشو باوع علية الطفل الاثول و ابتسم يجي يتشمة و يكعد ابحضني و ضحك و ايكلي بابا عزززززززززززززززززززززززززززززززززززززززززززززة يبوووووووووووووووووووووووو


الضابط باوووع علية صفح و صار احمر و كلها للمرة روحي انتي و اني اكلة يابا مو ابني

هذا اثول مدا اتشوفة و هو يكلها روحي كول جلبت بيها كام و كفخني و عفتها شسوي


و راااااااااحت المرة و كلي اجذب علينة مو و صاح عباااااااااااااااااااااس و اجة عباس عيوني عيوني و كلهم و ضبووووووووووووه


و ططبوني جوة و دك كتل كتل كتل انهريت عباس يمعود على بختك و دي بوجهي واحد

لك كافي عباس و دي صوندة على الركبة هناك و تعب عباااس و عافني و طلعت للضابط مرة الخ طبعا معرفني من الكتل كلي اخذ ابنك و روح اني بعد ما اكدر احجي

اخذتة و طلعت من مركز الشرطة طلعت اباوع يمنة يسرة بالكوة و كلت هذا وين احير

بيه اليوم شسوي هنااااااك و جان تطبك علية سيارة بي ام دبليو نزلو علية 3 جسم واخلاق ما شاء الله اني كلت بقلبي شنو هم راح انكتل اشو اجو علية و جان
*******************************




*********************************







***********************************





****************************




ايكلي وين ماخذة للجاهل جييييييييييبة و بدي و واحد على عيني
و بهل اثناااااااااااااااااء
****************************



*************************



*************************



************************



*************************


*********************

********************




**********************


امي اتصيييييييييييييييح ناااااااااااادر مصخم اكعد صار الصبح روح للدوام

*


و طبعا اني فرحت كلش لان طلع هذا الحجي ماكو و توبت اصعد كوستر